یاریگا–
فرانک کیسێ، ناوەڕاستکاری یانەی ئەیسی میلانی ئیتاڵیا ئامادەنیە گرێبەستەکەی لەگەڵ یانەکەی نوێ بکاتەوە و، هەموو ئامانجیشی ئەوەیە بۆ وەرزی داهاتوو پەیوەندی بە یانەی بارسێلۆناوە بکات.
رۆژنامەی وەرزشی سپۆرتی کەتەلۆنی بڵاویکردەوە، ناوەڕاستکارەکەی رۆسێنەری ئامادەنیە گرێبەستەکەی لەگەڵ یانەکەی نوێ بکاتەوە، ئەو یاریزانە داوای لە بەرێوەبەری کارەکانی کردووە بۆ وەرزی داهاتوو بگوازرێتەوە لالیگا، بۆیە بەرێوەبەری کارەکانی بەرپرسانی بلاوگرانای ئاگادار کردووەتەوە ئامادەن گفتوگۆیان لەگەڵ بکەن.
کیسێ هاوینی داهاتوو گرێبەستەکەی لەگەڵ ئەیسی میلان کۆتایی دێت و، ئەو یاریزانە ئەگەر تا ئەو کاتە گرێبەستەکەی نوێ نەکاتەوە، ئەو کاتە بێ بەرامبەر پەیوەندی بە بارسێلۆنا دەکات.
