ئیریكسن باس لە ڕووداوەكەی جامی نەتەوەكانی ئەوروپا دەكات
یاریگا-
كریستیان ئیریكسنی دانیماركی و یاریزانی یانەی برینتفۆردی ئینگلیزی باس لە ڕووداوەكەی جامی نەتەوەكانی ئەوروپا دەكات.
لە یاریەكی جامی نەتەوەكانی ئەوروپادا كریستیان ئیریكسن تووشی جەڵدەی دڵ هات و لەو كاتەوە یاریزانەكە بەشداری هیچ یاریەكی نەكردووەتەوە.
لە گواستنەوەكانی زستانەدا ئیریكسن پەیوەندی بە ڕیزەكانی برینتفۆردەوە كرد.
ئیریكسن باس لە ڕووداوەكە دەكات و دەڵێت: هەموو شتێكم لە بیرە تەنها پێنج خولەك نەبێت ، تۆپەكەم بیرە هات و دای لە ئەژنۆم و دواتر نازانم چی ڕوویدا.
هەروەها ووتیشی: هەستام و خەڵكێكی زۆرم بینی لە چوار دەورم كە پاڵەپەستۆیان لە سنگم دەكرد ،هەوڵم دا هەناسە بدەم بەڵام نازانم چی ڕوویدا.
بەردەوام بوو ووتی: بیرم دەكردەوە ئەگەر قاچم بشكایە چی ڕووی دەدا ، ئەو كاتە دەستم كرد بو جوڵاندنی سەرجەم ئەندامەكانی جەستەم تا بزانم چی ڕوویداوە.
لەكۆتایشدا ئیریكسن دەڵێت: دواتر لە ئەمبوڵانسەكە گوێم لێ بوو كەسێك پرسی چەندێك بێ ئاگا بووە یەكێكی دیكە وەڵامی دایەوە پێنج خولەك ، ئەوە یەكەم جار بوو گوێم لێ بێ چیم بەسەر هاتووە.
