یاریگا-
پەیامی یانەی لیڤەرپولی ئینگلیزی بۆ محەمەد سەڵاحی میسڕی و ئەستێرەی یانەكەیان دوای شكستەكەیان بەرامبەر سەنیگال.
شەوی ڕابردوو لە یاری كۆتایی جامی نەتەوەكانی ئەفریقادا هەردوو هەڵبژاردەی سەنیگال و میسڕ ڕووبەڕووی یەك بوونەوە.
یاریەكە بە بێ گۆڵ بۆ هەردوولا لە كاتی ئاسایی و كاتی زیادكراویشدا یەكسان بوون و گەشتە لێدانی یەكلاكەرەوە و لە كۆتایشدا سەنیگال بە ئەنجامی 4-2 یاریەكەی بردەوە و بۆ یەكەمجار لە مێژوویدا نازناوەكەی بردەوە.
یانەی لیڤەرپول لە هەژماری فەڕمی خۆیان لە تۆڕی كۆمەڵایەتی تویتەر نووسیویانە: ” محەمەد سەڵاح ، تۆ دەبێت شانازی بەو ئاستە بەرزەوە بكەیت كە بە درێژایی پاڵەوانیەتیەكە پێشكەشت كرد ”.
