ملیتاو بووەتە ئامانجی یانەیەکی ئینگلیزی

یاریگا–
ئێدێر ملیتاو، بەرگریکاری بەڕازیلی یانەی ریال مەدریدی ئیسپانیا بووەتە ئامانجی یانەی چێڵسی ئینگلیزی.

رۆژنامەی وەرزشی سپۆرتی ئیسپانی بڵاویکردەوە، کارگێری یانە ئینگلیزیەکە لە مانەوەی هەردوو بەرگریکاری یانەکەی رۆدیگێر و کریستێنسێن بێ ئومێد بووە، بۆیە ئەوان لە ئێستاوە هەوڵی دیاریکردنی شوێنگرەوەی ئەو دوو یاریزانە دەدەن و یەکێک لە ئامانجەکانیشیان بەرگریکارەکەی شاهانەکان.

ملیتاو لە هاوینی ساڵی 2025 گرێبەستەکەی لەگەڵ یانەی ریال مەدرید کۆتایی دێت و، ئەستەمە بەهۆی ئاستە بەرزەکەی یانەکەی دەستبەرداری بێت.