یاریگا–
کلیان ئێمباپێ، هێرشبەری فەرەنسی یانەی پاریس سانجێرمانی فەرەنسا سوورە لەسەر بریاری جێهێشتنی ریزەکانی یانەکەی و، هاوینی داهاتوو یانەکەی جێدێڵێت.
رۆژنامەی وەرزشی مارکای ئیسپانی بڵاویکردەوە بەم دواییە کارگێری یانە فەرەنسیەکە جارێکی دیکە هەوڵیان بۆ رازی کردنی یاریزانی یانەکەیان داوە، بۆ ئەوەی گرێبەستەکەی نوێ بکاتەوە، بەڵام ئەو یاریزانە جارێکی دیکە داواکاری یانەکەی رەتکردووەتەوە.
ئێمباپێ هاوینی داهاتوو گرێبەستەکەی لەگەڵ پاریس سانجێرمان کۆتایی دێت و، دەنگۆیەکی بەهێزیش هەیە وەرزی داهاتوو پەیوەندی بە ریزەکانی یانەی ریال مەدریدی ئیسپانیاوە دەکات.
