یاریگا–
لویس سوارێز، هێرشبەری ئۆروگوایی یانەی ئاتلێتیکۆ مەدریدی ئیسپانیا بووەتە ئامانجی یەکەم ئەم زستانەی یانەی ئاستۆن ڤیلای ئینگلیزی، بەڵام ئەو یاریزانە نایەوێت یانەکەی جێبێڵێت.
ماڵپەری فتبۆل ئیسپانیا بڵاویکردەوە، هێرشبەرەکەی رۆخێ بلانکۆس بووەتە ئامانجی یانەکەی پرێمەرلیگ، بەڵام ئەو یاریزانە رەتیدەکاتەوە ریزەکانی یانەکەی جێبێڵێت و دەیەوێت ئەم وەرزەش لەگەڵ یانەکەی بەردەوام بێت.
سەرچاوەکە ئەوەشی باسکردووە بێجگە لە یانە ئینگلیزیەکە، لویس سوارێز لە یانەیەکی سعوودیا و هەروەها بەڕازیل داواکاری هەیە.
