یاریگا-
ڕۆبەرت لیڤاندۆڤسكی پۆڵەندی و ئەستێرەی یانەی بایرن میونشنی ئەڵمانی باس لە هۆكاری هەڵبژاردنی جۆرجینهۆ دەكات بەسەر لیۆنێل میسی و كریستیانۆ ڕۆناڵدۆدا.
هێرشبەرە 33 ساڵانەكە بۆ دووەم ساڵ لەسەر یەك توانی خەڵاتی باشترین یاریزانی جیهان لەلایەن فیفاوە بباتەوە.
لە ڕیزبەندی هەڵبژاردنی باشترینەكانی لیڤاندۆڤسكی لە پلەی یەكەم جۆرجینهۆ و لە پلەی دووەم میسی و لە پلەی سێیەم كریستیانۆ ڕۆناڵدۆی هەڵبژارد.
سەبارەت بە هەڵبژاردنی جۆرجینهۆ لیڤاندۆڤسكی ووتی: من هەمیشە چاوەڕوانی یاریزانە هێرشبەرەكان دەكەم ، بەڵام ئەوەی جۆرجینهۆ بەدەستیهێناوە مانای زۆر دەگەیەنێت ، دەبێت بێ لایەن بیت ، هەروەها گۆڵی گرنگیشی تۆماركردووە ، هەرچەندە یاریزانی ناوەندی بەرگریە ، ساڵێكی شێتانەی لەگەڵ چێلسی و ئیتاڵیادا هەبووە.
جۆرجینهۆ لە پلەی شەشەمی باشترینەكانی جیهاندا بوو بە 24 خاڵ.
