یاریگا-
ئیرلینگ هالاندی نەرویجی و ئەستێرەی یانەی بروسیا دۆرتمۆندی ئەڵمانی ڕایگەیاند یانەكەی فشار دەخاتە سەری بۆ یەكلاكردنەوەی داهاتووی.
بروسیا دۆرتمۆند لە یاریگای خۆیدا میوانداری فرایبۆرگی كرد و یاریەكەشی بە ئەنجامی پێنج گۆڵ بەرامبەر گۆڵێك لێ بردەوە و هالاند توانی دوو گۆڵی یاریەكە تۆمار بكات.
لە دوای یاریەكە هالاند ووتی: دۆرتمۆند پەستان دەخاتە سەرم تا بڕیارێك بدەم سەبارەت بە داهاتووم.
هەروەها ووتیشی: بەڵام من تەنها دەمەوێت یاری تۆپی پێ بكەم ، ئەوە مانای ئەوەیە كە دەبێت بەمزوانە بڕیارەكەم بدەم ، پێشتر هیچ باسی ئەوەم نەكردووە وەك ڕێزێك بۆ یانەكەم.
گرێبەستەكەی هالاند لەگەڵ بروسیا دۆرتمۆند لە هاوینی 2024 بەسەردەچێت.
