ئینگلتەرا
پیپ گواردیۆلا تووشی کۆرۆنا هات
پیپ گواردیۆلا راهێنەری مانچێستەر سیتی نوێترین تووشبووی ڤایرۆسی نوێی کۆرۆنایە.
یانەی مانچێستەر سیتی رایگەیاند گواردیۆلا لە یارییەکەی بەرامبەر سویندن بەشدارنابێت لە جامی ئینگلتەرا و کەرەنتین دەکرێت تا ئەوکاتەی لە ڤایرۆسەکە رزگاری دەبێت.
جگە لە راهێنەرە ناودارەکە، بەشێک لە ستافی یانەکە و هەروەها حەوت یاریزان تووش بوون بەڵام ناوەکانیان ئاشکرانەکراون.
گۆڕاوی نوێی ئۆمیکرۆن بە بەهێزی لە بەریتانیا بڵاوبووەتەوە و ئەگەری دووبارە کەرەنتینی گشتی و داخستنی شوێنەکان هەیە، لەو وڵاتەدا ژمارەی تووشبووانی رۆژانە نزیک دەبێتەوە لە ٢٠٠ هەزار کەس و تەنها دوێنێ ٣٣٤ کەس گیانیان لەدەستداوە.
