یاریگا-
كای هاڤێرتزی ئەڵمانی و ئەستێرەی یانەی چێلسی ئینگلیزی تووشی پێكانێكی مەترسیدار بوو لە یاریەكەیان بەرامبەر تۆتنهام.
چێڵسی لە یاریگای ستامفۆرد بریجی تایبەت بە خۆی میوانداری تۆتنهامی كرد و یاریەكەشی بە ئەنجامی دوو گۆڵی بێ وەڵام لێ بردەوە ، لە میانەی یاریەكانی قۆناغی پێش كۆتایی جامی كاراباو كەپ.
گۆڵەكانی یاریەكە لەلایەن هاڤێرتز لە خولەكی 5 و بن دایڤز بە هەڵە لە خۆیانی تۆمار كرد لە خولەكی 34.
بەهۆی پێكانێكی بەهێز لە دەستی ئەستێرە ئەڵمانیەكە نەیتوانی یاریەكە تەواو بكات و لە خولەكی 46 یاریگای جێهێشت.
وابڕیارە یاری گەڕانەوەی نێوان هەردوو یانە لە بەرواری 12ی ئەم مانگەدا بەڕێوە بچێت لە یاریگای تۆتنهام.
