یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد ساموێل ئۆمتیتی فەڕەنسی و بەرگریكاری یانەی بارسێلۆنای ئیسپانی لە كۆتاییدا ڕازی بووە ڕیزەكانی یانەكەی جێبهێڵێت لە گواستنەوەكانی زستانەدا.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی لە كۆتاییدا ئۆمتیتی ئامادەیە لە یانەكەی بڕوات بەهۆكاری ئەوەی چانسی یاریكردنی پێنادرێت.
هەمان سەرچاوە ڕایگەیاندووە كە ئۆمتیتی تاكە مەرجێكی هەیە ئەویش ئەوەیە لە ئێستادا بەشێوەی خواستن لە یانەكە بڕوات بە بێ ئەوەی هیچ بەندێكی فرۆشتن لە گرێبەستەكەیدا هەبێت.
گرێبەستەكەی ئۆمتیتی لەگەڵ بلاوگرانا لە هاوینی 2023 بەسەردەچێت.
