یاریگا-
یانەی بارسێلۆنای ئیسپانی تووشبوونی سەرۆكی یانەكەی بە ڤایرۆسی كۆرۆنا ڕاگەیاند.
هەژماری فەڕمی بارسێلۆنا لە تۆڕی كۆمەڵایەتی تویتەر ڕایگەیاند پشكنینەكانی ڤایرۆسی كۆرۆنا بۆ خوان لاپۆرتا ئەرێنی بووە و دەركەوتووە تووشی ڤایرۆسی كۆرۆنا بووە
هەروەها ڕایانگەیاند كە سەرۆكەكەیان سەفەری لینارێس ناكات بۆ ئەنجامدانی یاریەكەیان لە جامی شای ئیسپانیا.
وا بڕیارە ئەمشەو كاتژمێر 21:30 بە كاتی كوردستان لینارێس لە یاریگای خۆیدا میوانداری بارسێلۆنا بكات ، لە میانەی یاریەكانی قۆناغی سێیەمی جامی شای ئیسپانیا.
