لیڤەرپوول دەیەوێت یارییەکەی ئارسناڵ دوابخات

یاریگا-لیڤەرپوول داوا لە یەکێتی تۆپی پێی ئینگلتەرا دەکات یارییەکەیان بەرامبەر ئارسناڵ  لە جامی کاراباو دوابخات.

ریدز بە بێ راهێنەرەکەیان و هەروەها ئالیسن، فیرمینیۆ و ماتیپ رووبەرووی چێڵسی بوونەوە لەم هەفتەیەی پریمەرلیگدا، بەڵام دوای ئەو یارییە ژمارەی کەیسەکانی یانەکە زیادی کرد و تا کار گەیشتە ئەوەی ئەمڕۆ مەشقەکانی یانەکە ئەنجام نەدرا.

لیڤەرپوول بەفەرمی رایگەیاند کەوا داواکارییان بەرزکردووەتەوە  و چاوەڕوانی وەڵامی یەکێتییەکەن بۆ یەکلاییکردنەوەی ئەو پرسە.

جگە لە پێکان و نەخۆشی، هەریەک لە محەمەد سەڵاح، سادیۆ مانێ و نەبی کیتا بەهۆی بەشداریکردن لە جامی نەتەوەکانی ئەفریقا یانەکەیان جێهێشتووە.