یاریگا–
نێیمار داسیلڤا، هێرشبەری بەڕازیلی یانەی پاریس سانجێرمانی فەرەنسا بەهۆی ئەو پێکانەی تووشی بووە، ماوەیەکە لە یاریگاکان دابڕاوە و چاوەڕێ دەکرێت ئەو یاریزانە نزیکەی پێنج هەفتەی دیکە بگەڕێتەوە.
هەژمارەی فەرمی یانەی پاریس سانجێرمانی فەرەنسا لە تۆڕی کۆمەڵایەتی تویتەر بڵاویکردەوە، یاریزانە بەڕازیلیەکەی یانەکەی بەباشی قۆناخەکانی چارەسەریەکانی تێدەپەڕێنێت و، چاوەڕێ دەکرێت چوار بۆ پێنج هەفتەی دیکە دەست بە راهێنانەکانی بکاتەوە.
ئەم هەواڵەی یانە فەرەنسیەکەی لە کاتێکدایە شازادەکان لە قۆناخی شازدەی چامپیۆنزلیگ مانگی دووی ساڵی داهاتوو رووبەڕووی یانەی ریال مەدرید دەبێتەوە و، هاندەرانی ئەو یانەیە گەشبینین بەوەی کە نیمۆ بۆ ئەم یارییە ئامادەبێت.
