یاریگا–
مایکل زۆرگ، بەرێوەبەری وەرزشی یانەی بورووسیا دۆرتمۆندی ئەڵمانی پێیوایە ئێرلینگ هالاند هێرشبەری نەرویجی یانەکەیان، بەم زووانە ریزەکانیان جێدێڵێت.
لە چاوپێکەوتنێکدا لەگەڵ کەناڵی سکای سپۆرت، بەرێوەبەرەکەی زەردەواڵەکان دەڵێت ” هیچ گومانێک نیە کە ئێمە ئارەزوو بە مانەوەی هێرشبەرە لاوەکەمان دەکەین، هەموو هەوڵێکیش بۆ رازیکردنی دەدەین، بەڵام کارێکی قورسمان لە پێشە و ئەستەمە ئەو یاریزانە لەگەڵمان بمێنێتەوە “.
هالاند تاوەکو هاوینی ساڵی 2024 گرێبەستی لەگەڵ یانەکەی هەیە، بەڵام ئەو یاریزانە پێش ئەم وادەیەش دەتوانێت یانەکەی جێبێڵێت، بە مەرجێک ئەو یانەیەی بیەوێت ئەو یاریزانە بگوازێتەوە، 75 ملیۆن یۆرۆ بابەتی هەڵوەشاندنەوەی گرێبەستەکەی بدات.
