یاریگا–
ئێرلینگ هالاند، هێرشبەری نەرویجی یانەی بورووسیا دۆرتمۆندی ئەڵمانیا بووەتە ئامانجی یانەکەی بارسێلۆنای ئیسپانیا و دەنگۆیەک هەیە ئەو یاریزانی هاوینی داهاتوو پەیوەندی بەو یانەیە بکات.
رۆژنامەی وەرزشی مارکای ئیسپانی بڵاویکردەوە، دوێنێ دوو شەممە دوای چاوپێکەوتنەکەی خوان لاپۆرتا لەگەڵ مینۆ رایۆلا بەرێوەبەری کارەکانی یاریزانە لاوەکەی زەردەواڵەکان، سەرۆکەکەی بلاوگرانا رایگەیاندووە ئەوان هەموو ئامانجیان ئەوەیە هاوینی داهاتوو ئەو یاریزانە بۆ ریزەکانیان بگوازنەوە، بۆیە داوا دەکەن ئەو یاریزانە لەگەڵ هیچ یانەیەک گرێبەست واژوو نەکات.
هالاند هاوینی ساڵی 2024 گرێبەستەکەی لەگەڵ یانەکەی کۆتایی دێت، بەڵام ئەو یاریزانە دەتوانێت بەرامبەر 75 ملیۆن یۆرۆ هەر کاتێک بیەوێت یانەکەی جێبێڵێت.
