یاریگا-
ڤینیسیۆس جۆنیۆری بەڕازیلی و ئەستێرەی یانەی ڕیاڵ مەدریدی ئیسپانی ژمارەیەكی پێوانەیی لە دێربی مەدرید تۆمار كرد.
ڕیال مەدرید لە یاریگای سانتیاگۆ بێرنابیۆی تایبەت بە خۆی میوانداری ئەتلەتیكۆ مەدریدی كرد و یاریەكەشی بە دوو گۆڵی بێ وەڵام لێ بردەوە ، لە میانەی یاریەكانی هەفتەی 17ی خولی ئیسپانیا.
ڤینیسیۆس هەردوو گۆڵەكەی ڕیالی دروست كرد و لە خولەكی 16 گۆڵی یەكەمی بۆ بێنزیما دروست كرد و لە خولەكی 57 گۆڵی دووەمی بۆ ئەسینسیۆ دروست كرد.
بەپێی تۆڕی ئۆپتا كە تایبەتە بە ژمارە و ئامارەكان ڤینیسیۆس یەكەم یاریزانە دوو گۆڵ درووست بكات لە دێربی مەدرید لە خولی ئیسپانیا لە سەدەی 21دا.
ڕیال مەدرید بە كۆكردنەوەی 42 خاڵ لە پێشەنگی خولەكە دەبیندرێت و بە جیاوازی هەشت خاڵ لە سێڤییای دووەمەوە دوورە.
