یاریگا–
ڤینیسیۆس جونیۆر، هێرشبەری بەڕازیلی یانەی ریال مەدریدی ئیسپانیا دوای بەدەستهێنانی خەڵاتی باشترین یاریزانی مانگی رابردووی لالیگا، باس لە بەدەستهێنانی خەڵاتی بالۆن دۆر دەکات.
هێرشبەرەکەی مێرنگی لە دیمانەیەکدا لەگەڵ کەناڵی MoviStar گووتی ” پێویستم بەردەوام بم لەسەر ئەم ئاستەم بۆ بەدەستهێنانی خەڵاتی بالۆن دۆر، پێویستە لە یاری کردن لە ریزەکانی یانەی ریال مەدرید بەردەوام بم و، ئاستێکی باش پێشکەش بکەم، ئەگەر بتوانم لەسەر ئەو ئاستەم بەردەوام بم، ئەوا بێگومان دەتوانم ئەو خەڵاتە بەدەست بێنم ”.
ڤینیسیۆس ئەم وەرزە لەگەڵ یانەکەی ئاستێکی باشی پێشکەش کردووە و، ئەو یاریزانە لە کۆی 22 یاری 12 گۆڵ و 7 ئاسیستی تۆمار کردووە.
