یاریگا–
دوای ئەوەی فێدراسیۆنی نێودەوڵەتی تۆپی پێ ” فیفا ” پێشنیاری کرد، جامی جیهانی دوو ساڵ جارێک بکرێت، پێشنیارەکە رەتکرایەوە و ئێستا ئەوان لە پلانیاندا هەیە پاڵەوانتییەکی نوێ بکەنەوە.
رۆژنامەی وەرزشی ئاسی ئیسپانی بڵاویکردەوە، دوای دژایەتی کردنی زۆربەی فێدراسیۆنەکانی جیهان بۆ بەرێوەچوونی مۆندیال لە دوو ساڵ جارێک، ئێستا فیفا بیر لەوە دەکاتەوە پاڵەوانتیەک بەناوی جامی نەتەوەکانی جیهانی بکاتەوە، واتە هاوشێوەی جامی نەتەوەکانی ئەوروپا کە دوو ساڵ جارێک دەکرێت.
سەرچاوەکە ئەوەشی بڵاوکردەوە کۆتایی ئەمساڵ سەرانی فیفا کۆدەبنەوە و، لەم کۆبونەوەیە بریار لەسەر ئەم بیرۆکە نوێیە دەدرێت.
