یاریگا–
ڤینیسیۆس جونیۆر، هێرشبەرە لاوەکەی یانەی ریال مەدریدی ئیسپانیا، دوای پێشکەش کردنی ئاستێکی نایاب لەگەڵ یانەکەی، وەکو باشترین یاریزانی مانگی رابردووی لالیگا دەستنیشانکرا.
ماڵپەری ئەنجومەنی لالیگای ئیسپانیا ناوی براوەی خەڵاتی باشترین یاریزانی مانگی رابردووی بڵاوکردەوە و، براوەی خەڵاتەکەش یاریزانی بەڕازیلی شاهانەکان بوو، ئەو یاریزانە مانگی رابردوو لەگەڵ یانەکەی بەشداری سێ یاری کرد و توانی دوو گۆڵ تۆمار بکات.
ڤینیسیۆس بە گشتی ئەم وەرزە لەگەڵ یانەی ریال مەدرید لە خولی پلە یەکی ئیسپانیا، بەشداری 16 یاری کردووە و، توانیویەتی 10 گۆڵ و 3 پاسی گۆڵ تۆمار بکات.
