ڕاهێنەری هۆڵەندا پێكانی دی یۆنگی ڕاگەیاند

یاریگا-

لویس ڤان گال ، ڕاهێنەری هەڵبژاردەی هۆڵەندا هۆكاری گۆڕانكاری پێكردنی فرانكی دی یۆنگی ئاشكرا كرد.

هۆڵەندا بوویە میوانی مۆنتینیگرۆ و یاریەكەش بە دوو گۆڵ بۆ هەردوولا یەكسان بوون ، لە میانەی پاڵاوتنەكانی گەشتن بە جامی جیهانی 2022ی قەتەڕ.

لە دوای یاریەكە ڤان گال ووتی: گۆڕانكاریم بە دی یۆنگ كرد بەهۆی هەستكردن بە ئازار لە پاژنەی پێیدا و چاوەڕوان دەكرێت پشكنینە پزیشكیەكانی بۆ ئەنجام بدرێت.

هۆڵەندا بە كۆكردنەوەی 20 خاڵ لە ڕیزبەندی یەكەمی كۆمەڵەكەی دێت و هەڵبژاردەی توركیاش بە كۆكردنەوەی 18 خاڵ لە پلەی دووەم دێت.