یاریگا-
كیلیان ئیمباپێی فەڕەنسی و ئەستێرەی یانەی پاریس سان جێرمانی هەمان وڵات نزیكە لەوە لە گواستنەوەكانی هاوینی داهاتوودا بە خۆڕایی ڕیزەكانی یانەكەی بەرەو ڕیاڵ مەدریدی ئیسپانی جێبهێڵێت.
گرێبەستی هێرشبەرە فەڕەنسیەكە لەگەل پاریس لە هاوینی ساڵی داهاتوودا بەسەردەچێت و تا ئێستاش ڕەتیكردووەتەوە گرێبەستەكەی نوێ بكاتەوە.
بەپێی زانیاریەكانی تۆڕی ” le10sport ” پاریس سان جێرمان دەیەوێت بە ڕێگەیەكی نوێ گرێبەستی هێرشبەری یانەكەیان نوێ بكەنەوە.
هەمان سەرچاوە ئاشكرایكردووە پاریس بۆ ڕازیكردنی ئیمباپێ كە گرێبەستەكەی نوێ بكاتەوە دەیەوێت لە هاوینی داهاتوودا كەریم بێنزیمای فەڕەنسی بگوازێتەوە ڕیزەكانی یانەكەیان.
