یاریگا-
یەكەم لێدوانی سێرجیۆ ئەگوێرۆی ئەرجەنتینی و هێرشبەری یانەی بارسێلۆنای ئیسپانی دوای ڕاگەیاندنی پێكانەكەی و ماوەی دووركەوتنەوەكەی.
لە یاری بارسێلۆنا بەرامبەر ڕایۆ ڤالیكانۆ ئەگوێرۆ بەهۆی كێشە لە هەناسەدانیدا نەیتوانی یاریەكە تەواو بكات و یاریگای بەرەو نەخۆشخانە جێهێشت.
بارسێلۆنا لە بەیاننامەیەكی فەرمیدا ڕایگەیاند كە هێرشبەرە ئەرجەنتینیەكەیان سێ مانگ لە یاریگاكان دووردەكەوێتەوە و دواتر هەڵسەنگاندن بۆ بارودۆخی دەكرێت.
لە هەژماری تایبەتی خۆی لە تۆڕی كۆمەڵایەتی تویتەر ئەگوێرۆ نووسیویەتی: ” من باشم و لە بارودۆخێكی دەرونی زۆر باشدام و بەردەوام دەبم لە وەرگرتنی چارەسەر ، دەمەوێت سوپاسی هەمووان بكەم بۆ پەیام و خۆشەویستیتان ، ئەوە بەهێزترم دەكات”.
