یاریگا-
یانەی بایرن میونشنی ئەڵمانی بەیاننامەیەكی فەرمی بڵاوكردەوە و تێیدا ڕایگەیاند جولیان ناگلیسمان تووشی ڤایرۆسی كۆرۆنا بووە.
یانە باڤاریەكە لە هەژماری فەڕمی خۆیان لە تۆڕی كۆمەڵایەتی تویتەر ڕایگەیاند: پشكنینەكان كە بۆ ڕاهێنەر جولیان ناگلیسمان ئەنجامدرا دووپاتكرایەوە كە تووشی ڤایرۆسی كۆرۆنا بووە ، هەرچەندە پێكوتەی دژە ڤایرۆسەكەشی بەكارهێناوە.
هەروەها ڕاشیانگەیاند: ڕاهێنەرە تەمەن 34 ساڵانەكە لە ماڵەكەی خۆیدا كەرەنتین دەكرێت تا چاكدەبێتەوە.
بایرن میونشن توانی بە ئەنجامی چوار گۆڵی بێ وەڵام لە بەنفیكا بباتەوە ، لە میانەی یاریەكانی هەفتەی سێیەمی قۆناغی كۆمەڵەكانی خولی یانە پاڵەوانەكانی ئەوروپا.
