یاریگا-
ڕاپۆرتە ڕۆژنامەوانیەكانی ئینگلتەرا ئاشكرایانكرد ، ڕامی عەباسی بەڕێوەبەری كارەكانی محەمەد سەڵاحی میسڕی و ئەستێرەی یانەی لیڤەرپولی ئینگلیزی سەفەری ئینگلتەرای كردووە.
هەروەهائاشكرایانكردووە بە مەبەستی كۆبوونەوە لەگەل بەڕێوەبەرانی ڕێدز بەڕێوەبەری كارەكانی ئەستێرە میسڕیەكە كۆدەبێتەوە بۆ نوێكردنەوەی گرێبەستەكەی.
گرێبەستەكەی سەڵاح لەگەل لیڤەرپول لە هاوینی 2023 بەسەردەچێت و یانەكەشی دەیەوێت گرێبەستەكەی نوێ بكاتەوە.
بەپێی زانیاریەكانی ڕۆژنامەی میرۆر ڕامی عەباس سەفەری ئینگلتەرای كردووە و چاوەڕوان دەكرێت بۆ مەبەستی نوێكردنەوەی گرێبەستی ئەستێرەكەی ڕێدز بێت.
لە ئێستادا محەمەد سەڵاح 350 هەزار پاوەند وەك موچەی هەفتانەی وەردەگرێت و بۆ نوێكردنەوەی گرێبەستەكەی داوای زیادكردنی موچەكەی دەكات بۆ 500 هەزار پاوەند لە هەفتەیەكدا.
