یاریگا–
دەنگۆیەک هەیە کە دوای ئەوەی کلیان ئێمباپێ ریزەکانی یانەی پاریس سانجێرمان جێبێڵێت، کارگێری ئەو یانەیە ئێرلینگ هالاند هێرشبەری نەرویجی یانەی بورووسیا دۆرتمۆندی ئەڵمانی وەکو شوێنگرەوەی دەگوازێتەوە، بەڵام بریکارێکی ئیتاڵی ئەم دەنگۆیانە رەتدەکاتەوە.
جۆڤانی برانکینی بریکاری ئیتاڵی لە دیمانەیەکدا سەبارەت بە داهاتووی هێرشبەرە لاوەکەی زەردەواڵەکان دەڵێت ” ئەو یاریزانە خەونی یاری کردن بە درێسی یانەی ریال مەدرید دەبینێت، بۆیە من لەو بڕوایەدام هاوینی داهاتوو درێسی ئەو یانەیە لەبەر دەکات و، هیچ هەوڵێکیش نیە بۆ ئەوەی پەیودندی بە یانە فەرەنسیەکەوە بکات ”.
هالاند هاوینی ساڵی داهاتوو دەتوانێت بەرامبەر 75 ملیۆن یۆرۆ ریزەکانی یانەکەی جێبێڵێت، لە ئێستاوە یانەکانی پاریس سانجێرمان، مانچێستەر سیتی و ریال مەدرید رکابەری گواستنەوەی دەکەن.
