یاریگا–
محەمەد سەڵاح، هێرشبەری میسڕی یانەی لیڤەرپوولی ئینگلیزی تاوەکو ئێستا گرێبەستەکەی لەگەڵ یانەکەی نوێ نەکردووەتەوە و بەم هۆیەوە دەنگۆیەک هەیە ئەو یاریزانە زستانی ئەمساڵ یانەکەی جێبێڵێت.
رۆژنامەی میرەری بەریتانی بڵاویکردەوە، کارگێری یانەی لیڤەرپوول هەوڵەکانی لە پێناو گواستنەوەی ئاداما ترائۆرێ، هێرشبەری ئیسپانی یانەی وێلڤەرهامبتن وەکو شوێنگرەوەی هێرشبەری میسڕی یانەکەیان دەست پێکردووە و، دەیانەوێت زستانی ئەمساڵ یاریزانەکە بۆ ریزەکانیان بگوازنەوە، ئەمەش بە مانای ئەوە دەبێت ئەوان لە مانەوەی هێرشبەرە موسلمانەکەیان بێ ئومێد بوینە.
سەڵاح هاوینی ساڵی 2023 گرێبەستەکەی لەگەڵ لیڤەرپوول کۆتایی دێت و مەرجی نوێکردنەوەی گرێبەستەکەشی، زیاد کردنی مووچەکەیەتی کە یانەکەی تاوەکو ئێستا بە مەرجەکەی رازی نەبووە.
