ئیسپانیا ڕیكۆردە مێژوویەكەی ئیتاڵیای ڕاگرت

یاریگا-

هەڵبژاردەی ئیسپانیا ڕیكۆردە مێژوویەكەی هەڵبژاردەی ئیتاڵیای ڕاگرت ، كە 37 یاری یەك لە دوای یەك بوو نەدۆڕابوون لە ژێر ڕاهێنەرایەتیكردنی ڕۆبەرتۆ مانچینی.

ئیسپانیا توانی بە ئەنجامی دوو گۆڵ بەرامبەر گۆڵێك لە ئیتاڵیا بباتەوە ، لە میانەی یاری پێش كۆتایی خولی نەتەوەكانی ئەوروپا.

هەلبژاردەی ئیتاڵیا ڕیكۆردەكەی كرد بە ناوی خۆیەوە دوای شكاندنی ڕیكۆردی هەڵبژاردەی بەڕازیل و ئیسپانیا كە 35 یاری یەك لە دوای یەك نەدۆڕابوون ، هەروەها ڕیكۆردەكەی ئازۆری لە 37 یاریدا ڕاگیرا.

ئیسپانیا توانی خۆی بگەیەنێتە یاری كۆتایی خولی نەتەوەكانی ئەوروپا و لە یاری كۆتاییشدا ڕووبەڕووی براوەی نێوان فەڕەنسا و بەلجیكا دەبێتەوە.