یاریگا-
یۆرگن كڵۆپی ئەڵمانی و ڕاهێنەری یانەی لیڤەرپولی ئینگلیزی ئامادە نەبوونی دوو ئەستێرەی یانەكەی بۆ یاریەكەیان بەرامبەر مانچێستەر سیتی ڕاگەیاند.
وا بڕیارە ڕۆژی یەكشەممە كاتژمێر 18:30 بە كاتی كوردستان لیڤەرپول لە یاریگای ئەنفێڵدی تایبەت بە خۆی میوانداری مانچێستەر سیتی بكات ، لە میانەی یاریەكانی هەفتەی حەوتەمی خولی ئینگلیزیدا.
لە بەیاننامەیەكدا هەژماری فەڕمی لیڤەرپول لە تۆڕی كۆمەڵایەتی تویتەر ڕایگەیاند هەردوو یاریزان ترینت ئەلیكساندەر ئارنۆڵد و تیاگۆ ئەلكانتارا بۆ یاریەكەی سیتی دوورخراونەتەوە بەهۆی ئەو پێكانەی تووشی هاتوون.
هەروەها كلۆپ ڕایگەیاند هەردوو یاریزان لە دوای پشووی نێودەوڵەتیەكانەوە دەگەڕێنەوە یاریگاكان.
