یاریگا–
جیانلویجی دۆناروما، گۆڵپارێزی ئیتاڵی یانەی پاریس سانجێرمانی فەرەنسا بە گاڵتەوە دەنگۆکانی ئەم دواییە کە دەڵێن لە یانەکەی دڵخۆش نیە رەتدەکاتەوە.
گۆڵپارێزەکەی شازادەکان لە چاوپێکەوتنێکدا لەگەڵ کەناڵی سکای سپۆرت دەڵێت ” کاتێک ئەمجۆرە دەنگۆیانە دەخوێنمەوە تەنها پێدەکەنم، لێرە زۆر دڵخۆشم و هیچ کێشەیەکم نیە، یاری کردن لەگەڵ ئەم هەموو پاڵەوانە وەکو خەونێک وایە بۆ من، بۆیە هیچ کێشەیەکم نیە و زۆر دڵخۆشم لێرە “.
ئەم قسانەی دۆناروما لە کاتێکدایە دەنگۆیەک بڵاوبووەتەوە گوایە ئەم یاریزانە، بەهۆی کەم یاری کردنی لەگەڵ پاریس سانجێرمان، بیر لە جێهێشتنی یانەکەی دەکاتەوە.
