یاریگا-
یانەی بارسێلۆنای ئیسپانی پێكانی یاریزانێكی یانەكەی ڕاگەیاند لە میانەی یاریەكەیان بەرامبەر گرانادا.
بارسێلۆنا لە یاریگای كامپ نۆوی تایبەت بە خۆی میوانداری گرانادای كرد و یاریەكەش بە گۆڵێك بۆ هەردوولا یەكسان بوون، لە میانەی یاریەكانی هەفتەی پێنجەمی خولی ئیسپانیا.
لە خولەكی 42ی گێمی یەكەمی یاریەكەدا ئەلێكس بالدی تووشی پێكان هات و بەهۆیەوە یاریگای جێهێشت و ئۆسكار مینگوێزا هاتە جێگای.
هەژماری فەڕمی بارسێلۆنا لە تۆڕی كۆمەڵایەتی تویتەر ڕایگەیاند بالدی بەهۆی ئازارەوە لە بەشی خوارەوەی پشتیەوە گۆڕانكاری پێكرا و پشكنینی زیاتری بۆ ئەنجام دەدرێت.
