یاریگا-
ماوریسیۆ پۆچەتینۆی ئەرجەنتینی و ڕاهێنەری یانەی پاریس سان جێرمانی فەڕەنسی لە یاریەكەیان بەرامبەر ئۆلۆمپیك لیۆن گۆڕانكاری بە لیۆنێل میسی كرد.
پاریس سان جێرمان لە یاریگای خۆیدا میوانداری ئۆڵۆمپێك لیۆنی كرد و یاریەكەشی بە ئەنجامی دوو گۆڵ بەرامبەر گۆڵێك لێ بردەوە ، لە میانەی یاریەكانی هەفتەی شەشەمی خولی فەڕەنسی.
لە خولەكی 54 لیۆن گۆڵی یەكەمیان تۆمار كرد و لە خولەكی 66 نەیمار بە لێدانی سزا ئەنجامەكەی یەكسان كردەوە ، لە كۆتا خولەكەكانی یاریەكەدا ماورۆ ئیكاردی گۆڵی بردنەوەی پێشكەشی یانەكەی كرد.
لە دوای یاریەكە پۆچەتینۆ ووتی: بۆیر گۆڕانكاریم بە میسی كرد تا بیپارێزم لە پێكان ، یاری گرنگمان لە پێشە و دەمەوێت بیپارێزم.
هەروەها ووتیشی: ئەو بڕیارانە لە كاتی یاریەكاندا باشترینە بۆ یانەكە ، هەندێك جار پێیان خۆش دەبێت و هەندێك جاریش دڵتەنگ دەبن.
سەبارەت بە كاردانەوەی میسی ڕاهێنەرە ئەرجەنتینیەكە ووتی: پێم ووت بارودۆخت چۆنە ووتی باشم.
