یاریگا–
محەمەد سەڵاح، هێرشبەری میسڕی یانەی لیڤەرپوولی ئینگلیزی ئامادەیە گرێبەستەکەی لەگەڵ یانەکەی بۆ ماوەی سێ وەرزی دیکە نوێ بکاتەوە.
هەژمارەی فەرمی The Firm لە تۆڕی کۆمەڵایەتی تویتەر بڵاویکردەوە، یاریزانە میسڕییەکەی رێدز لەگەڵ کارگێری یانەکەی گەیشتووەتە رێکەوتن و چاوەڕێ دەکرێت بەم زووانە، گرێبەستەکەی بۆ ماوەی سێ وەرزی دیکە و تاوەکو کۆتایی هاوینی ساڵی 2026 نوێ بکاتەوە.
سەڵاح هاوینی ساڵی 2023 گرێبەستەکەی لەگەڵ یانەکەی کۆتایی دێت، لە ماوەی رابردوو دەنگۆیەک هەبوو ئەو یاریزانە ئامادەنیە گرێبەستەکەی نوێ بکاتەوە و دەیەوێت یانەکەی جێبێڵێت.
