یاریگا–
ڤینیسیۆس جونیۆر، هێرشبەری بەڕازیلی یانەی ریال مەدریدی ئیسپانیا، بەهۆی ئاهەنگگێڕانی لەگەڵ هاندەرانی یانەکەی چاوەڕێ دەکرێت تووشی سزا ببێت.
ماڵپەری گۆڵی جیهانی بڵاویکردەوە، دوای ئەوەی لە یاری یانەکەی بەرامبەر سێلتاڤیگۆ لە گەڕی چوارەمی لالیگا، هێرشىەرە بەڕازیلیەکەی شاهانەکان توانی گۆڵی سێیەمی یانەکەی بکات، خۆی گەیاندە ناو هاندەران و دواتر لەلایەن پۆلیسەوە رێنمایی کرا کە لەو شوێنە دەرکەوێت کە ئەمەش پێچەوانەی یاساکانی لالیگا بەهۆی مەترسی ڤایرۆسی کۆرۆنا، بۆیە چاوەڕێ دەکرێت ئەو یاریزانە لەلایەن لیژنەی تەمبێکاری خولەکەوە سزا بدرێت.
ڤینیسیۆس لەو وەرزەی لالیگا توانیویەتی ئاستێکی باش پێشکەش بکات و لە کۆی چوار یاری لەگەڵ یانەکەی چوار گۆڵی تۆمار کردووە.
