یاریگا–
یانەی بارسێلۆنای ئیسپانیا لە ئێستاوە لە هەوڵی ئەوەدان بۆ هاوینی داهاتوو چەند یاریزانێک بۆ گواستنەوە دەست نیشان بکەن و دەنگۆیەکیش هەیە یەکێک لە ئامانجەکانیان یۆری تێلمانس یاریزانی بەلجیکی یانەی لێستەر سیتی ئینگلیزیە.
رۆژنامەی مۆندۆ دێپۆرتیڤۆی کەتەلۆنی زانیاری دەستکەوتووە، کارگێری بلاوگرانا دەیانەوێت لە ئێستاوە چەند یاریزانێک دەست نیشان بکەن، بۆ ئەوەی زستانی داهاتوو یاخود هاوینی داهاتوو بۆ ریزەکانیان بگوازنەوە، یەکێک لەو یاریزانانەش ناوەڕاستکارە بەلجیکیەکەی یانەی لێستەر سیتی ئینگلیزیە.
تێلمانس لە ساڵی 2019 بەرامبەر 45 ملیۆن یۆرۆ لە یانەی مۆناکۆی فەرەنسی گواستراوەتەوە یانەی لێستەر سیتی و لەگەڵ ئەو یانەیە لە سەرجەم خوڵ و پاڵەوانتییەکان بەشداری 113 یاری کردووە و 18 گۆڵ و 19 پاسی گۆڵی هەیە.