یاریگا-
كریستیانۆ ڕۆناڵدۆی پورتوگالی و ئەستێرەی یانەی مانچێستەر یونایتدی ئینگلیزی یەكەم یاری خۆی دوای دووبارە گەڕانەوەی بۆ ڕیزەكانی مانچێستەر یونایتد ئەنجامدا.
مانچێستەر یونایتد لە یاریگای ئۆلد ترافۆردی تایبەت بە خۆی میوانداری نیوكاسڵی كرد و یاریەكەی بە ئەنجامی چوار گۆڵ بەرامبەر گۆڵێك لێ بردەوە و ڕۆنالدۆ توانی دوو گۆڵ تۆمار بكات.
لە دوای یاریەكە دۆن ووتی: ڕۆناڵدۆ: تۆزێک دڵەڕاوکێم هەبووم، بەڵام پشتگیری هاندەرانی یانەکە وایکرد بەسەریدا زاڵبم چاوەڕێم نەدەکرد دوو گۆڵ تۆماربکەم، بەڵام دەبێت سوپاسی هاندەران بکەم لە بەرامبەر ئەو پشتگیریەیان.
هەروەها ووتیشی: پێش یاریەكە بیرم لەوە دەكردەوە كە دەبێت ئەوە بسەلمێنم لە توانامدا هەیە هاوكاری یانەكەم بكەم ، كاتێك یاریەكە دەستیپێكرد دڵەڕاوكێم هەبوو بەڵام كە یاری دەستیپێكرد و هاندەران ناوی منیان دەوتەوە هەستێكی تایبەت و نایاب بوو.
