یاریگا-
یانەی پاریس سان جێرمانی فەڕەنسی كۆتا زانیاریەكانی سەبارەت بە بارودۆخی یاریزانە پێكراوەكانی ئاشكرا كرد.
چاوەڕوان دەكرێت سبەینێ كاتژمێر 18:00 پاریس سان جێرمان میوانداری كلیرمۆن دەكات لە میانەی یاریەكانی هەفتەی پێنجەمی خولی فەڕەنسی.
پاریس سان جێرمان لە بەیاننامەیەكی فەرمیدا لە هەژماری فەرمی خۆیان لە تۆڕی كۆمەڵایەتی تویتەر ڕایگەیاند: كۆلین داگبا ڕاهێنانە تاكە كەسیەكانی دەستپێكرد و ڕۆژی دووشەممە پەیوەندی بە ڕاهێنانە بە كۆمەڵەكانەوە دەكات.
سەبارەت بە سێرجیۆ ڕامۆس ڕایانگەیاند: سێرجیۆ ڕامۆس هەفتەی ڕابردوو لە كاتی وەرگرتنی چارەسەری جەستەیی هەستی بە ئازار كردووە لە قاچیدا و بەوەش وادەی گەڕانەوەی بۆ یاریگاكان دوادەكەوێت و هەفتەی داهاتوو ڕاهێنانی تاكە كەسی دەست پێدەكات.
سەبارەت بە ماركۆ ڤێراتی ئاشكرایانكرد: ماركۆ ڤێراتی لە ژێر چاودێریدایە بەهۆی پێكان لە ئەژنۆیدا و وا بڕیارە لە ماوەی 48 كاتژمێردا بگەڕێتەوە یاریگاكان.
