سكالۆنی: میسی میراتێك بۆ ئەرجەنتین بەجێدەهێڵێت

یاریگا-

لیۆنێل سكالۆنی ڕاهێنەری هەلبژاردەی ئەرجەنتین دڵخۆشی خۆی دەربڕی بە بردنەوەیان لە پۆلیڤیا و دووپاتیكردەوە كە شانازی بە لیۆنێل میسیەوە دەكات.

هەڵبژاردەی ئەرجەنتین بە سێ گۆڵی لیۆنێل میسی توانی لە هەڵبژاردەی پۆلیڤیا بباتەوە لە میانەی پاڵاوتنەكانی گەشتن بە جامی جیهانی 2022ی قەتەڕ.

دوای یاریەكە سكالۆنی ووتی: میسی میراتێكی بۆ سەرجەم گەلی ئەرجەنتین جێهێشت و من شانازی دەكەم پێیەوە.

هەروەها ووتیشی: بردنەوەكە هەموو شتێكی جوانتر كرد ، میسی هێمایەكە بۆ هەمووان ، دوای بردنەوەی كۆپا ئەمریكا هەمووان هەست و سۆزی لیۆمان بینی ، ئەو یاریزانێكە كە هەموو كات جیاوازی درووست دەكات و من هیچ گومانێكم لەو بارەیەوە نیە.