ئەنخل دی ماریا سزایەکی قورس درا بۆ یارییەکانی چامپیۆنزلیگ

یاریگا-ئەنخل دی ماریا ئەستێرەی یانەی پاریس سان جێرمان سێ یاری لە خولی پاڵەوانەکان سڕکرا.

هێرشبەرە ئەرژەنتینییەکە لە کۆتا یاری وەرزی رابردوودا بە کارتی سوور کرایە دەرەوە بەهۆی فاوڵێکی توند لە فێرناندینهۆی یاریزانی مانچێستەر سیتی، ئەمڕۆش راگەیەندرا سزای سڕکردنەی بەهۆی ئەو فاوڵە لە یارییەکەوە بەرزکراوەتەوە بۆ سێ یاری.

پاریس لە کۆمەڵەیەکی زەحمەتدایە و بە بێ دی ماریا دەبێت بەرامبەر کلەب بروج، مان سیتی و لایپزیگ، تەنها لە باری سکاڵای پاریس و سووککردنی سزاکەی دەتوانێت زووتر بگەڕێتەوە.