یاریگا-
عاشقانی تۆپی پێ و هەوادارانی چاوەڕوانی تیروپشكی بەهێزترین و پڕ چێژترین پاڵەوانیەتین لە ئەوروپا بۆ وەرزی 2021/2022.
تیروپشكی قۆناغی 32ی چامپیۆنسلیگ لە شاری ئەستەنبوڵ لە توركیا ڕادەكێشرێت و دابەش دەبن بەسەر هەشت كۆمەڵەدا ، هەر كۆمەڵەیەك چوار یانە لە خۆ دەگرێت.
كات و بەرواری تیروپشكی قۆناغی كۆمەڵەكانی چامپیۆنسلیگ:
تیروپشكی قۆناغی كۆمەڵەكانی چامپیۆنسلیگی وەرزی 2021/2022 ئەمڕۆ كاتژمێر 7ی ئێوارە بە كاتی كوردستان بەڕێوە دەچێت لە ئەستەنبوڵی توركیا.
لە چ كەناڵێك تیروپشكەكە دەگوازرێتەوە؟
تیروپشكی قۆناغی كۆمەڵەكانی چامپیۆنسلیگ لە كەناڵی بی ئێن سپۆرتی هەواڵی دەگوازرێتەوە.
كۆمەڵەكان چۆن دیاری دەكرێت؟
هەر 32 یانەكە دابەش دەكرێن بۆ سەر چوار ئاست هەر ئاستێك لە هەشت یانە پێك دێت ، ئاستی یەكەم پاڵەوانی خولەكانی ئەوروپای وەرزی ڕابردوو لەگەڵ پاڵەوانی چامپیۆنسلیگ و خولی ئەوروپی لە خۆ دەگرێت، ئاستەكانی دیكەش بەپێی ڕیزبەندیان لە خولەكان دیاری دەكرێت.
بەرواری یاریەكانی قۆناغی كۆمەڵەكان؟
هەفتەی یەكەم : 14و 15ی مانگی 9
هەفتەی دووەم : 28 و 29ی مانگی 9
هەفتەی سێیەم : 19 و 20ی مانگی 10
هەفتەی چوارەم : 2 و 3ی مانگی 11
هەفتەی پێنجەم : 23 و 24ی مانگی 11
هەفتەی شەشەم : بەرواری 7 و 8ی مانگی 12
ئەو یاسایەی یەكەمجارە كاری پێدەكرێت لە خولی یانە پاڵەوانەكانی ئەوروپا:
یوفا پێشتر یاسای گۆڵی لە دەرەوەی یاریگای خۆیان لە سەرجەم پاڵەوانیەتیە ئەوروپیەكان هەڵوەشاوەندەوە.
هەروەها لە تیروپشكەكەدا ئەمانەی خوارەوەش دیاریدەكرێت:
- باشترین یاریزانی ئەوروپا بۆ پیاوان و خانمان
- باشترین ڕاهێنەری پیاوان و خانمان
- باشترین گۆڵپارێزی ئەوروپا
- باشترین بەرگریكاری ئەوروپا
- باشترین ناوەڕاستكاری ئەوروپا
- باشترین هێرشبەری ئەوروپا
