یاریگا–
یانەی ریال مەدریدی ئیسپانیا، دوای یەکسانبونەکەی بەرامبەر لیڤانتی لە گەڕی دووەمی لالیگا بەردەوامە لەسەر ئامادەکارییەکانی بۆ گەڕی سێیەم و لە دوایین یەکەمی راهێنانەکانی ئەو یانەیە، ناچۆی بەرگریکاری بەشداری راهێنانە بە کۆمەڵەکانی نەکرد.
رۆژنامەی وەرزشی ئاسی ئیسپانی بڵاویکردەوە، لە دوایین یەکەی ئامادەکاری شاهانەکان، بەرگریکارەکەی ئەو یانەیە بەشداری راهێنانە بە کۆمەڵەکانی نەکردووە و لەگەڵ هەر یەکە لە کرووس و مۆدریچ بە تەنیا لە هۆڵی وەرزشی راهێنانیان کردووە و تاوەکو ئێستاش هۆکارەکەی دیار نیە.
بێجگە لەم یاریزانانە هەر یەکە لە مێندی بەرگریکار و سێبایۆسی ناوەڕاستکاریش لە هۆڵی وەرزشی راهێنانیان کردووە و لەوانەیە بۆ یاری داهاتووی یانەکەیان بەشداری نەکەن.
