یاریگا-
داهاتووی كیلیان مباپێی فەڕەنسی و ئەستێرەی یانەی پاریس سان جێرمانی فەڕەنسی نادیارە.
گرێبەستەكەی مباپێ لە هاوینی 2022 بەسەردەچێت و تا ئێستا یاریزانەكە ڕەتیكردووەتەوە گرێبەستەكەی نوێ بكاتەوە لە پێناو پەیوەندیكردنی بە ڕیزەكانی ڕیاڵ مەدریدەوە.
نوێترین زانیاریەكانی ئەمڕۆ سەبارەت بە داهاتووی كیلیان مباپێ:
ڕۆژنامەی ماركا:
– پاریس سان جێرمان دەرگای بە ڕووی مباپێدا كردووەتەوە و یاریزانەكە دەیەوێت پەیوەندی بە مەدریدەوە بكات ئەم وەرزە.
– پاریس نرخی ئۆفەرەكەی بۆ مباپێ بەرزكردەوە لە پێناو مانەوەیدا بەڵام یاریزانەكە ڕەتیكردووەتەوە و دەیەوێت لە یانەكەی بڕوات.
– مباپێ لە كۆتا ساڵی گرێبەستەكەیدایە لەگەل پاریس بەڵام ڕیاڵ مەدرید ئامادەیە پارەیەكی زۆر بۆ گواستنەوەی لە گواستنەوەكانی ئەم هاوینەدا خەرج بكات.
كادینا سێر:
– هیچ شتێك نەگۆڕاوە سەبارەت بە داهاتووی كیلیان مباپێ و پاریس دەرگای بە ڕوویدا نەكردووەتەوە بۆ فرۆشتنی و یاریزانەكەش لەسەر بەڵێنی خۆیەتی و ئەم وەرزە لە یانەكەی بەردەوام دەبێت ، گرێبەستەكەی نوێ ناكاتەوە و وەرزی داهاتوو بە خۆڕایی یانەكەی جێدەهێڵێت.
