ئه‌وروپائیسپانیائینگلتەرابازاڕی گواستنه‌وه
گواردیۆلا بەرگریکارێکی دەکاتە قوربانی بۆ گواستنەوەی هاری کەین
یاریگا–
یانەی مانچێستەر سیتی بەردەوامە لەسەر هەوڵەکانی بۆ گواستنەوەی هاری کەین گۆڵکاری یانەی تۆتێنهام و بۆ ئەم مەبەستەش دەیانەوێت ئێمریک لاپۆرتێ بەرگریکاری یانەکەی دەستبەرداری بن و سوود لە داهاتەکەی ببین بۆ ئامانجەکەیان.
رۆژنامەی تایمزی بەریتانی بڵاویکردەوە، پێپ گواردیۆلا بەم دواییە زۆر سوود لە تواناکانی بەرگریکارە ئیسپانیەکە نابینێت و هەر ئەمەش وایکردووە کە رەزامەندی بدات یانەکەی دەستبەرداری بن، بەڵام لە بەرامبەردا داوای 70 ملیۆن یۆرۆ دەکەن، ئەمەش بارگرانی بۆ ئەو یانانە دروست کردووە کە داوای دەکەن.
هەر یەک لە یانەکانی ریال مەدرید و یۆڤێنتۆس سەرەتا ئامادەیی خۆیان پیشاندا بۆ گواستنەوەی لاپۆرتێ، بەڵام کاتێ نرخەکەیان زانی پاشەکشەیان کرد.