
یاریگا-
میمفیس دیپای هۆڵەندی و هێرشبەری یانەی بارسێلۆنای ئیسپانی دڵخۆشی خۆی دەربڕی بە تۆماركردنی یەكەم گۆڵی خۆی بە درێسی بارسێلۆناوە.
هەردوو یانەی بارسێلۆنا و ئەتلەتیك بلباو لە میانەی یاریەكانی هەفتەی دووەمی لالیگای ئیسپانیا ڕووبەڕووی یەك بوونەوە و یاریەكەش بە گۆڵێكبۆ هەردوولا یەكسان بوون.
بلباو لە خولەكی 50 لە ڕێگەی مارتینیزەوە گۆڵی یەكەمیان تۆمار كرد و بارسێلۆناشلە خولەكی 75 و بە گۆڵێكی نایابی دیپای ئەنجامەكەیان یەكسان كردەوە و یاریەكەش بەو ئەنجامە كۆتایی هات.
لە دوای یاریەكە دیپای ووتی: بێگومان بەدەستهێنانی خاڵێك باشترە لە سفر ، بە باشی جەنگاین ، دەمانویست بیبەینەوە بەڵام یەكسان بووین.
هەروەها ووتیشی: لە توانامدا بوو دوو گۆڵ تۆمار بكەم ، دڵخۆشم بە تۆماركردنی یەكەم گۆڵم ، دوو هەلم بۆ ڕەخسا هەست بە دڵتەنگی دەكەم كە دووەمیان نەبوو بە گۆڵ.
بارسێلۆنا لەو دوو یاریەی ئەنجامیداوە چوار خاڵی كۆكردووەتەوە و بلباویش دوو خاڵ.