یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد كیلیان مباپێی فەڕەنسی و هێرشبەری یانەی پاریس سان جێرمانی فەڕەنسی یاریزانانی یانەكەی ئاگادار كردووەتەوە كە كەی پەیوەندی بە ڕیزەكانی ڕیاڵ مەدریدەوە دەكات.
گرێبەستەكەی مباپێ لەگەڵ پاریس لە هاوینی 2022 بەسەردەچێت و هەموو هەوڵەكانی پاریسی بۆ نوێكردنەوەی گرێبەستەكەی ڕەتكردووەتەوە.
بەپێی زانیاریەكانی ڕادیۆی كادینا سێری ئیسپانی مباپێ بە یاریزانانی یانەكەی ووتوە كە لەم وەرزەدا لەگەڵ یانەكەی بەردەوام دەبێت و هاوینی داهاتوو پەیوەندی بە ڕیزەكانی ڕیاڵ مەدریدەوە دەكات.
سەرچاوەكە ئەوەشی ئاشكرا كردووە هێرشبەرە فەڕەنسیەكە بە ناسر خلێفی ڕاگەیاندووە كە نایەوێت گرێبەستەكەی نوێ بكاتەوە و وەرزی داهاتوو بە خۆڕایی یانەكەی جێدەهێڵێت.
