یاریگا–
ئێدین دزیکۆ، هێرشبەری بۆسنیایی پێشووی یانەی رۆمای ئیتاڵیا ریزەکانی ئەو یانەیەی جێهێشت و پەیوەندی بە ریزەکانی یانەی ئینتەر میلانەوە کرد.
کەناڵی فەرمی یانەی ئینتەر میلانی ئیتاڵیا هەواڵی گواستنەوەی هێرشبەرەکەی گورگەکانی بۆ ریزەکانی راگەیاند، ئەو یاریزانە بێ بەرامبەر درێسی نێرازۆری لەبەر دەکات، بەڵام ئەگەر یانەکەی ئەم وەرزە بلێتی وەرزی داهاتووی داهاتووی چامپیۆنزلیگ بەدەست بێنیت، ئەو کات دەبێت 1.5 ملیۆن یۆرۆ وەکو پاداشت پێشکەشی رۆما بکەن.
دزیکۆ وەکو شوێنگرەوەی رۆمێلو لوکاکو پەیوەندی بە ریزەکانی یانەی ئینتەر میلان کردووە، کە ئەو یاریزانەش پەیوەندی بە یانەی چێڵسی کردووە.
