یاریگا-
یانەی پاریس سان جێرمانی فەڕەنسی ئەمڕۆ سێشەممە بەشێوەیەكی فەرمی گرێبەستی لەگەل لیۆنێل میسی ئەرجەنتینی و ئەفسانەی پێشووی یانەی بارسێلۆنای ئیسپانی ڕاگەیاند.
هەژماری فەڕمی پاریس سان جێرمان لە تۆڕی كۆمەڵایەتی تویتەر پارچە ڤیدیۆیەكی بڵاوكردووەتەوە كە تێیدا لیۆنێل میسی بە درێسی ژمارە 30ەوە دەردەكەوێت ، هەمان ژمارە كە سەرەتایی یاریكردنی لەگەل بارسێلۆنا لەبەریكرد پێش ژمارە 19 و ژمارە 10.
لە بەیاننامەكەی پاریسدا هاتووە كە لیۆنێل میسی بە گرێبەستێكی بۆ ماوەی دوو سال و لەگەڵ بژاردەی نوێكردنەوەی بۆ ماوەی ساڵێك و بە موچەی ساڵانەی 35 ملیۆن یۆرۆ.
دوای پەیوەندیكردنی بە بارسێلۆناوە ئەفسانەكەی تانگۆ ووتی:
” من بە پەرۆشم بۆ دەستپێكردنەوەی قۆناغێكی نوێ لە پاریس سان جێرمان ، هەموو شتێك لە یانەكە وەك تموحەكانی تۆپی پێی منە ، دەزانم گروپەكە و دەستەی ڕاهێنەران چەند بەهرەمەندن ، من ئامادەم بۆ هاوكاریكردنی یانەكە و هاندەران بۆ بەدەستهێنانی شتێكی نایاب ، ناتوانم چاوەڕوان بم تا یەكەم هەنگاو بنێم لە یاریگای پارك دی فرانس ”.
A new 💎 in Paris !
PSGxMESSI ❤️💙 pic.twitter.com/2JpYSRtpCy
— Paris Saint-Germain (@PSG_inside) August 10, 2021
