یاریگا-
موچەی ساڵانەی لیۆنێل میسی ئەرجەنتینی و ئەفسانەی پێشووی یانەی بارسێلۆنای ئیسپانی لەگەڵ یانە نوێیەكەی پاریس سان جێرمانی فەڕەنسی ئاشكرا بوو.
ڕۆژی پێنجشەممەی ڕابردوو دوای تێپەڕبوونی 17 ساڵ و بردنەوەی 35 نازناو بە فەرمی پەیوەندی نێوان میسی و بارسێلۆنا كۆتایی هات.
فابریزۆ ڕۆمانۆ ڕۆژنامەنووسی باوەڕپێكراو لە تۆڕی هەواڵی سكای سپۆرت ئاشكرایكرد گرێبەستەكەی میسی لەگەل پاریس سان جێرمان تا حوزەیرانی 2023 دەبێت و سالانە بڕی 35 ملیۆن یۆرۆ وەردەگرێت.
وابڕیارە ئەمڕۆ لیۆنێل میسی لەكۆنگرەیەكی ڕۆژنامەوانیدا لە یاریگای كامپ نۆو مالئاوایی لە بارسێلۆنا بكات.
