یاریگا-
ڕاپۆرتە ڕۆژنامەوانیەكانی ئیسپانیا وادەی ناساندنی لیۆنێل میسی ئەرجەنتینی و ئەفسانەی پێشووی یانەی بارسێلۆنای ئیسپانی وەك یاریزانی نوێی پاریس سان جێرمانی فەڕەنسی ئاشكرا كرد.
دوای كۆتایهاتنی گرێبەستەكەی یانەی بارسێلۆنا نەیتوانی گرێبەستەكەی ئەفسانەی یانەكەیان نوێ بكەنەوە.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی پاریس ئامادەكاری دەكات بۆ ئەوەی ڕۆژی سێشەممەی داهاتوو لیۆنێل میسی وەك یاریزانی نوێی پاریس بناسێندرێت.
هەمان سەرچاوە ئاشكرایكردووە كە خۆرخی میسی باوكی و بەڕێوەبەری كارەكانی ئەفسانەكەی تانگۆ ئەمڕۆ شەممە سەفەری پاریس دەكات بۆ كۆتاییهێنان بە سەرجەم وردەكاریەكانی گرێبەستەكەی.
