لوكاكۆ ڕازی بووە بچێتە چێلسی

یاریگا-

ڕاپۆرتە ڕۆژنامەوانیەكان ئاشكرایانكرد ڕۆمێرۆ لوكاكۆی بەلجیكی و هێرشبەری یانەی ئینتەر میلانی ئیتاڵی ڕەزامەندی نیشانداوە بۆ پەیوەندیكردنی بە یانەی چێلسی ئینگلیزیەوە.

بەپێی زانیاریەكانی سكای سپۆرتی ئیتاڵیا لوكاكۆ بە ئیدارەی یانەكەی ووتوە كە ئامادەیە پەیوەندی بە چێلسیەوە بكات.

ئینتەر ئۆفەرێكی چێلسی بە بڕی 100 ملیۆن یۆرۆ و ماركۆس ئەلۆنسۆی ڕەتكردەوە بۆ دەستبەرداربوون لە هێرشبەرە بەلجیكیەكە و سەرچاوەكان ئاماژە بەوە دەكەن بلوز بە 120 ملیۆن یۆرۆوە بۆ گواستنەوەی دەچێتە پێش و ئەستەمە ئینتەر ڕەتیبكاتەوە.